Formannspistill

frida run thordardottirÁgæti lesandi


Á löngum formannsferli mínum hafa verið hæðir og lægðir í starfsemi félagsins, það er eðlilegt og er í takt við líðandi stund og þarfi r samfélagsins á hverjum ma. Það er þó eitt sem breytist ekki og það er hlýhugur og dugnaður þeirra sem starfa mér næst og er ég þakklát fyrir það. Á undanförnum mánuðum hefur félagið kva kæran félaga og fyrrum stjórnakonu, Hönnu Regínu Guttormsdóttr en einnig lést Pétur Bjarnason skrásetjari og hollvinur félagsins nýverið en hann hefur komið að starfi félagsins á undanförnum árum. Vottum við fjölskyldum þeirra innilega samúð.

Nú eru hæðir í starfsemi félagsins, bæði er snýr að þörf en einnig virkni og samstarfi. Ný heimasíða hefur litið dagsins ljós sem
var í senn mikilvægt fyrir ímynd félagsins útá við en einnig viss tiltekt er snýr að efni og framsetningu efnis. Með slíkri vinnu sést hversu mikið hefur verið gert á þeirri rúmlega hálfu öld sem félagið hefur verið starfandi. Einnig má setja fingur á hvað vantar að skrifa og upplýsa um og vinna markvisst að því að fylla í eyðurnar. Ég hvet félagsmenn l að kynna sér vel heimasíðu félagsins og hafa samband og láta vita hvað vantar og líka hvað hefur reynst vel.

Er snýr að samstarfi þá á félagið alltaf í samstarfi við Samtök Lungnasjúklinga og Lind og tengingar við EFA verða sterkari eftir því sem á tímann líður. Nýr samstarfsaðili AO er SUM og höfum við nú þegar gefið út skilti sem minnir á að inniloftgæði byggja á ilmefnalausum snyrti og hreinlætisvörum. AO er hluti af ÖBÍ réttindasamtökum og SÍBS og tekur þátt í þeirra starfi eftir fremsta megni.

Lög um gæludýr í fjölbýlishúsum tóku gildi fyrir nokkru og vinnur félagið að því að safna ábendingum frá félagsmönnum og öðrum um það hvernig þessi lög eru að koma niður á okkar fólki. Ég hvet félagsmenn l að senda okkur erindi svo við getum betur áttað okkur á skaðanum sem þetta er að valda.

Félagið hélt málþing í byrjun árs sem var mjög vel heppnað og sýnir hversu gott fagfólk stendur að baki félaginu og er erindum málþingsins gerð skil hér í blaðinu. Einnig var ný
heimasíðan kynnt til sögunnar og frumsýnd voru myndbönd sem félagið gerði með stuðningi Hollvinafélags um bráðafæðuofnæmi. Myndböndin voru síðan færð bæði Ríkisútvarpinu og skólakerfi Reykjavíkur og þessar stofnanir beðnar um að dreifa þeim góða boðskap sem þau færa. Næsta verkefni er að upplýsa önnur skólakerfi landsins um myndböndin og dreifa þeim áfram sem víðast. Vonandi verða myndböndin notuð í lífsleikni fræðslu skólanna sem og í frístundaheimilum og íþróttafélögum – því erindið á við alla.

AO nýtir sér nútíma tækni meðal annars með AO spjallmenninu sem kynnt var í síðasta blaði og hefur reynst vel, gefur góð og áreiðanleg svör og er því kærkomin viðbót við það sem heimasíðan inniheldur í rituðum texta. Einnig er gervigreindin að nýtast okkur vel í ýmsum verkefnum skrifstofunnar.

Í 5. útgáfu fjórtán ráða gegn krabbameinum, sem byggir á krabbameins vegvísi Evrópu (European code against cancer), eru leiðbeiningar byggðar á gagnreyndri þekkingu sem miða að því að draga úr áhættunni á því að greinast með krabbamein. Í vegvísinum er lögð áhersla á að hægt er að draga úr líkunum á því að fá flest krabbamein með því að forðast þekkta áhættuþætti og tileinka sér heilbrigðar lífsstílsvenjur. Í fyrsta lagi er að forðast reykingar sem jú tengist lungnaheilsu og því kemur það inn á störf og baráttu AO. Einnig er talað um að „minnka umhverfisógnir, svo sem loftmengun og hættuleg efni, sem gegnir einnig mikilvægu hlutverki í forvörnum“. Þar geta „stjórnvöld og samfélög tekið upp stefnu til að bæta loftgæði og draga úr útsetningu fyrir hættulegum efnum“. Í íslensku ráðleggingunum er staðhæft að „Almenningur á Íslandi hefur að undanförnu orðið meðvitaðri um mengun og loftgæði og full ástæða l að leita leiða til að draga úr mengun og auka loftgæði“. Þetta er hægt með virku samtali en einnig með því að fá félög eins og AO og Samtök lungnasjúklinga að borðinu. Ekki hefur verið eftir því leitað við AO en vonandi kemur að því að AO fær að láta l sín taka á þessum vettvangi. 

Með góðum óskum um góða heilsu og gleði í hjarta.


Fríða Rún Þórðardóttir
Formaður Astma- og ofnæmisfélags Íslands

Pistillinn birtist í 1. tölublaði samtakanna 2026.