Ryk og innréttingar

Hafi astmasjúklingur ofnæmi er mikilvægt að haga innréttingu híbýla í samræmi við það. Hafi viðkomandi ofnæmi fyrir hundum eða köttum ber augljóslega að hindra að slík dýr komi inn í híbýli sjúklingsins. Oft getur reynst erfitt að losa sig við heimilisdýr og fjölskyldan verður að finna lausn sem allir sætta sig við.

Auk þess að fjarlægja þá hluti eða dýr sem þú hefur klárlega ofnæmi fyrir, er einnig nauðsynlegt að reyna að draga úr öðrum meðverkandi þáttum í umhverfinu. Þetta gildir einkum um ryk sem getur verið ertandi og espað upp einkenni.

Reynið að draga úr ryki í híbýlum með því að:

• Forðast loðin yfirborð, svo sem teppi, bólstruð húsgögn, þungar gardínur og svo framvegis
• Innrétta íbúðina þannig að auðvelt sé að ræsta hana
• Velja slétt yfirborð á veggi, húsgögn og innréttingar
• Koma húsgögnum þannig fyrir að auðvelt sé að ræsta kringum þau og bak við þau
• Velja gluggatjöld sem auðveldlega má þvo t.d. úr bómullarefni
• Forðast föst teppi, velja parket, dúka, flísar eða laus teppi sem þola þvott