Details

28. Maí 2018

Allt í kerfið

Heil og sæl,

Við vekjum athygli á málþingi ÖBÍ: Allt í kerfi? Sem haldið verður á Grand hóteli, þriðjudaginn 29. maí, kl 13-15. Þetta fjallar um reynsluna af nýju greiðsluþátttökukerfi í heilbrigðisþjónustu. Það verða spaðar á málþinginu. Emil Thoroddsen, Svandís Svavarsdóttr, Henný Hinz og Steingrímur Ari. Við fáum reynslu notanda af nýja kerfinu og umræður. Þetta verður eitthvað! Við ættum öll að mæta og hvetja sem flest til hins sama.

Skráning er á vef ÖBÍ: https://www.obi.is/is/utgafa/frettir/allt-i-kerfi

Details

30. Apr 2018

Verum sýnileg - tökum pláss - 1. maí 2018

Við hjá Öryrkjabandalag Íslands, ÖBÍ ætlum að vera sýnileg í kröfugöngunni 1. maí n.k. Þar ætlum við að taka pláss og leggja þunga áherslu á kröfur okkar með fjöldanum.

Mætum öll. Tökum makann, börnin, ættingja og vini með okkur. Við erum í harðri baráttu fyrir betri kjörum. Sýnum það í verki!

Við hjá ÖBÍ ætlum að safnast saman hjá Hlemmi - þar sem nú er mathöllin – klukkan eitt. Þar afhendum við kröfuspjöldum og regnslám og peppum okkur saman áður en gangan heldur af stað kl. 13:30.

Útifundur verður á Ingólfstorgi kl. 14:10, en ÖBÍ verður með viðburð á Lækjartorgi þegar gangan fer þar hjá. Þar má enginn láta sig vanta. Við ætlum að sýna hvernig spilað er með fólk!

Hressing, kakó, kaffi og kleinur í boði.

Details

16. Apr 2018

1. maí 2018

Ágæti félagi

AO er hluti af ÖBÍ og félagið tekur virkan þátt í starfsemi og viðburðum ÖBÍ.

Þann 1. maí leggur ÖBÍ sérstaka áherslu á að sem allra flestir ÖBÍ félagar verði sýnilegir í 1. maí kröfugöngunn. Kjaramálin hljóta að vera áherslumál okkar allra og í dag er helsta baráttumál ÖBÍ að skerðingarnar verði afnumdar og um það verður kröfuganga ÖBÍ í ár. Athugið að afnám skerðinga  varða á leiðinni til aukinna kjarabóta

ÖBÍ vill leggja áherslu á ímynd og ásýnd örorkulífeyrisþega sem almennra þátttakenda í samfélaginu og því er óskað eftir því að hvert félag safni 5-10 manns í gönguna. Því fleiri því betra. Félagsmenn, jafnt sem fjölskylda og vinir. Allir velkomnir. 

Stóra málið er að ná góðum hópi saman, að við verðum vel sýnileg og að okkar rödd heyrist hátt og vel. Hvert og eitt félag þarf því að láta hendur standa fram úr ermum við að hvetja fólk til að vera ófeimið og mæta í gönguna.  

Skráning er á netfangið  This email address is being protected from spambots. You need JavaScript enabled to view it.  en þangað má senda upplýsingar um nafn, síma, netfang svo hægt verði að minna fólk á og hvetja til að mæta þegar nær dregur. Farið verður nánar yfir dagskránna þegar nær dregur 

Við stöndum í erfiðri kjarabaráttu rétt eins og launafólk almennt. 1. maí er okkar dagur eins og annarra, gleymum því ekki. 

Verum stolt og verum sýnileg 1. maí. Tökum pláss í samfélaginu!

Details

09. Apr 2018

Stuðningsfulltrúanámskeið

Miðvikudagana 11. og 18. apríl kl. 17-21 mun Stuðningsnet Sjúklingafélagana halda námskeið fyrir verðandi Stuðningsfulltrúa. Stuðningsnet sjúklingafélaganna býður upp á jafningjastuðning fyrir fólk sem glímir við erfiða sjúkdóma og aðstandendur þeirra, en Astma- og ofnæmisfélag Íslands ásamt 13 öðrum sjúklingafélögum mynda netið. Á námskeiðinu er farið yfir helstu atriði sem þarft er að hafa í huga þegar veita á jafningjastuðning ásamt því að stuðningsfulltrúum stendur til boða handleiðsla og endurmenntun að loknu námskeiði.

Mikilvægt er að sækja um að gerast stuðningsfulltrúi á heimasíðu Stuðningsnetsins áður en námskeið hefst.  Umsjónaraðili Stuðningsnetsins mun hafa samband og taka viðtöl við þá sem sótt hafa um að gerast stuðningsfulltrúar í aðdraganda námskeiðsins. Auk þess mun viðkomandi sjúklingafélag boða stuðningsaðila á sinn fund til að fara yfir þjónustu og starfsemi félagsins.  Fyrir þá sem þegar hafa sótt um að gerast stuðningsfulltrúar og verið í sambandi við sitt félag þá má skrá sig á námskeiðið hér.

Details

09. Apr 2018

Auglýsing um styrki 2018

Astma- og ofnæmisfélag Íslands auglýsir eftir umsóknum um styrk úr Styrktarsjóði félagsins sem veitt verður úr í samræmi við tilgang sjóðsins sem er að:

• * stuðla að aukinni þekkingu á astma- og ofnæmissjúkdómum.
• * styrkja lækna og aðra sem leita sér fagþekkingar á ofangreindum sjúkdómum og kunnáttu í meðferð þeirra.

Í umsókn þarf að koma fram upplýsingar um umsækjandann, í hverju verkefnið felst, kostnaðaráætlun, dagsetningu loka verkefnisins og stutt greinargerð um gildi verkefnisins fyrir astma- og ofnæmissjúka á Íslandi.

Umsóknir skulu berast á rafrænu formi fyrir miðnætti þann 28. maí nk. á netfangið This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it. með fyrirsögninni „Styrkumsókn AO 2018“

Styrkurinn verður afhentur á aðalfundi félagsins 5. júní n.k.

Nánari upplýsingar veitir Fríða Rún Þórðardóttir, formaður Astma- og ofnæmisfélags Íslands í síma 898-8798 eða This email address is being protected from spambots. You need JavaScript enabled to view it.

F.h. Styrktarsjóðs Astma- og ofnæmisfélags Íslands

Fríða Rún Þórðardóttir, formaður