Details

17. Okt 2016

Ofnæmisnámskeið

Enn eru nokkur laus pláss á námskeið um eldun ofnæmisfæðis sem AO stendur fyrir

þann 25. október (bóklegt) og 26. október og 8. nóvember (verklegt).

Þessi námskeið eru þau síðustu í Reykjavík á þessu ári.

Áhugasamir, vinsamlegast hafið samband við Fríðu Rún Þórðardóttur This email address is being protected from spambots. You need JavaScript enabled to view it.

Details

05. Sep 2016

Mikaela Odemyr forseti EFA með erindi þriðjudaginn 1. nóvember í Reykjavík og miðvikudaginn 2. nóvember á Akureyri

Dagana 1. - 2. nóvember nk. verður stödd hér á landi í boði Astma- og ofnæmisfélags Íslands, Mikaela Odemyr sænsk kona sem er í dag forseti EFA (European Federation of Astma and Airways diseases, http://www.efanet.org/) en er að auki reynslumikil móðir ofnæmisbarna og virtur fyrirlesari á því sviði.

Mikaela segir sjálf að hún sé engin læknir en hafi yfir tveggja áratuga reynslu á sviði astma og ofnæmis. Hún hefur verið virk í faglegri fræðslu til fjölskyldna og einstaklinga á sínu heimasvæði sem og víðar í Svíþjóð. Þar talar hún um hvernig hún og fjölskyldan hafi þurfti að lifa með lífshættulegu bráðaofnæmi og astma og vinna með leik- og skólakerfinu á því sviði.

Mikaela verður með síðdegiserindi í Reykjavík í Hringsal Barnaspítala Hringsins  þriðjudaginn 1. nóvember kl. 16.30.

Á Akureyri er fyrirlesturinn haldinn miðvikudaginn 2. nóvember kl. 16:30 – 18:45 í Brekkuskóla.

Gunnar Jónasson, ofnæmisbarnalæknir mun einnig halda erindi um fæðuofnæmi og hefst það að loknu erindi Mikaelu.

Allir eru velkomnir og er aðgangseyrir 1.000 kr

Fyrir hönd Astma- og ofnæmisfélags Íslands

Fríða Rún Þórðardóttir

Formaður AO 

Details

11. Júl 2016

Gæludýr í Strætó, viðtal við Fríðu Rún Þórðardóttur formann AO

Umræður um hugmyndir Strætó bs til að leyfa gæludýr í vögnum sínum og sitt sýnist hverjum.

Formaður AO, Fríða Rún Þórðardóttir, var í viðtali "Í býtið" á Bylgjunni föstudaginn 8. júlí sl.

Hér má hlusta á viðtalið. 

http://www.visir.is/section/MEDIA98&;fileid=CLP46985

Details

30. Maí 2016

Bara að ég hefði aldrei byrjað

Details

23. Maí 2016

Reykjavíkurmaraþon Íslandsbank 2016

Kæri AO félagi og aðrir viðtakendur

 
Astma- og ofnæmisfélag Íslands (AO) er skráð sem eitt af hátt í 100 góðgerðarfélögum í Reykjavíkurmaraþoni Íslandsbanka sem fram fer í þrítugasta og þriðja sinn laugardaginn 20. ágúst næstkomandi. Í gegnum tíðina hafa félagar í AO og aðstandendur einstaklinga með astma og ofnæmi hlaupið til góðs og safnað verulegum fjárhæðum sem hafa komið sér vel í starfi félagsins. Þessir aðilar eru þó ekki einir í liðinu okkar því þeir hafa fengið hvatningu og áheit frá öðrum félögum sem hafa mætt við hlaupaleiðina og hvatt hlauparana áfram. Þannig leggja margir sitt lóð á vogarskálina.

 
Ef þú vilt hlaupa til góðs og safna áheitum fyrir Astma- og ofnæmisfélag Íslands, félagið okkar, getur þú skráð þig til leiks á www.marathon.is eða http://www.hlaupastyrkur.is/
 
Ef þú vilt taka þátt með því að heita á einhvern af okkar frábæru hlaupurum sem leggja félaginu okkar lið getur þú farið inn á http://www.hlaupastyrkur.is/einstaklingar/ og valið hlaupagarp.
 
Við hjá AO leggjum mikið upp úr því að tala máli þeirra sem þjást af astma og ofnæmi. Undanfarið höfum við lagt þunga áherslu á málefni er snúa að fæðuofnæmi barna í leik- og grunnskólum með námskeiðum fyrir starfsfólk eldhúsa og virkum samskiptum við Reykjavíkurborg vegna gátlista er snúa að móttöku barna með ofnæmi. Málefni þeirra sem eru með hnetuofæmi eru ofarlega á dagskrá stjórnar um næstu verkefni.

Við hvetjum einnig einstaklinga til að hreyfa sig og huga að heilsunni á þann máta. Það væri gaman að heyra í þeim sem að ætla að hlaupa fyrir okkur í ár, vinsamlegast sendu póst á This email address is being protected from spambots. You need JavaScript enabled to view it. "> This email address is being protected from spambots. You need JavaScript enabled to view it. og við svörum um hæl.

Með bestu kveðjum,

Stjórn Astma- og ofnæmisfélags Íslands