Tilkynningar
Ómerkt egg og lúpína í Bónus ristuðum karamelluhnetumMatvælastofnun varar neytendur með ofnæmi fyrir eggjum eða lúpínu við neyslu á ristuðum karamelluhnetum sem merktar eru Bónus. Varan getur innihaldið snefilmagn af ofnæmis- og óþolsvöldunum egg og lúpínu án þess að það komi fram á umbúðum. Aðföng hefur innkallað allar framleiðslulotur úr verslunum Bónusar, í samráði við Heilbrigðiseftirlit Reykjavíkur.
Innköllunarfrétt -Ómerkt mjólk í vorrúlludeigiMatvælastofnun varar neytendur með mjólkurofnæmi og -óþol við neyslu á vorrúlludeigi frá Springhome.
Fæðuofnæmisnámskeið 5. og 6. febrúar nkMatreiðslumenn, matráðar, matartæknar, matsveinarMeginmarkmiðið með námskeiðinu er að bjóða upp á faglega fræðslu um fæðuofnæmi, alvarleika þess og hvernig tryggja megi góða og holla næringu. Það getur verið flókið að tryggja öruggt fæði og umhverfi fyrir einstakling með fæðuofnæmi. Ljóst er að næringarefni geta orðið af skornum skammti þegar fæðuofnæmi er til staðar og felst fræðslan m.a. í því að fara yfir hvaða fæðutegundir geta komið í staðinn fyrir mjöl, korn, mjólk, egg, fisk, hnetur o.fl. til að fullnægja orku- og næringarlegum þörfum og skapa fjölbreytni í fæðu barna og fullorðinna. Verklegi hlutinn felur í sér eldun og bakstur ýmissa rétta og útfærsla uppskrifta á mismunandi máta eftir því hvaða ofnæmi er um að ræða. Skráning hér
Loftmengun um áramótKæru félagar í Astma- og ofnæmisfélagi Íslands Síðustu áramót hefur mælst umtalsverð loftmengun vegna flugelda. Þessi áramótin er hins vegar útlit fyrir að veðuraðstæður verði þannig að ekki er viðbúið að loftmengun ná miklum styrk. Veðurspáin gerir ráð fyrir suðvestan 7-9 metrum á sekúndu og rigningu. Þannig veður stuðlar að hraðri þynningu mengunarefna. Ef spáin gengur eftir er nokkuð ljóst að loftmengun verður ekki viðvarandi fram eftir nýársnótt. Þó er viðbúið að einhver hækkun mælist á meðan mest er skotið upp. Við bendum á að hægt að er fylgjast með loftgæðum á öllum mælistöðvum á landinu á slóðinni www.loftgæði.is. Ef einhver mælistöð er gul, appelsínugul eða rauð að lit má gera ráð fyrir að viðkvæmir einstaklingar og þeir sem þjást af öndunarfærasjúkdómum finni fyrir einkennum sem rekja megi til loftmengunar. Nýárskveðjur Starfsfólk Umhverfisstofnunar
Frjóofnæmis bæklingurGefin hefur verið út bæklingur um Frjóofnæmi Höfunda eru Sigurveig Þ. Sigurðardóttir og Björn Árdal sérfræðingar í barnalækningum, ofnæmis- og ónæmissjúkdómum barna. Bæklingnum verður dreift á heilsugæslustöðvar auk þess sem hægt verður að nálgast hann á skrifstofu Astma- og ofnæmisfélags Íslands í Síðumúla 6 Flokkar |
Póstlisti AO
Fáðu sendar tilkynningar og fréttir af starfi AO