Details

04. Maí 2015

Kringlan þriðjudaginn 5. maí 2015 frá kl. 14-18

Astma- og ofnæmisfélag Íslands verður á 2. hæð í Kringlunni fyrir framan Eymundsson, þriðjudaginn 5. maí frá kl. 14-18 og kynnir þar starfsemi sína og útgefið efni.

Hvetjum alla sem vilja fræðast um félagið og starfsemi þess til að mæta. 

Details

30. Mar 2015

Aðalfundur Astma- og ofnæmisfélags Íslands 2015

Aðalfundur Astma- og ofnæmisfélags Íslands verður haldinn miðvikudaginn 29. apríl kl: 17:15
í SÍBS húsinu Síðumúla 6, 2. hæð.

Dagskrá: Venjulega aðalfundarstörf og lagabreytingar.

Details

07. Mar 2015

Opið bréf til stjórnar Strætó bs

 Um áformað leyfi til að flytja gæludýr, þ.m.t. hunda, með í ferðum Strætó.

Undirritaður lögmaður, sem situr í stjórn Astma- og ofnæmisfélags Íslands, vill hér með koma eftirfarandi athugasemdum á framfæri við stjórn Strætó bs, - nú þegar það kemur fram í fjölmiðlum (Visir.is/GÁG) frá Stætó bs. að „framtaki Andra“ við undirskriftasöfnun sé fagnað innan Strætó b.s.  Að áliti undirritaðs mætti fremur nefna þetta frumhlaup Andra og stjórnarinnar.  Vil ég hér gefa örstuttar skýringar á þeirri skoðun minni:

Lesa meira...

Details

14. Jan 2015

Lyfjakostnaður sjúklinga lækkar um áramót

Hlutur sjúkratryggðra í lyfjakostnaði lækkar 1. janúar 2015 samkvæmt reglugerð sem heilbrigðisráðherra hefur gefið út. Þak á árlegum hámarkskostnaði lyfjanotenda lækkar um 10%; fer hjá almennum notendum úr 69.416 kr. í 62.000 kr. og hjá börnum og lífeyrisþegum og ungmennum yngri en 22 ára úr 46.277 kr. í 41.000 kr.

Jafnframt því sem hámarksþök lyfjakostnaðar á tólf mánaða tímabili lækka um 10% lækka að sama skapi fjárhæðir afsláttarþrepa í lyfjagreiðslukerfinu.Lyfjagreiðslukerfið miðast við að notendur borgi lyf sín að fullu þar til ákveðinni fjárhæð er náð, en eftir það greiða sjúkratryggingar 85% af verði lyfjanna á móti 15% hlutdeild sjúklings. Full greiðsluþátttaka almenns lyfjanotanda miðast nú við 24.075 kr. en lækkar niður í 22.000 kr. og hjá börnum og lífeyrisþegum fer þessi fjárhæð úr 16.050 kr. í 14.500 kr.

Ávinningur sjúklinga
Sú lækkun lyfjakostnaðar sem reglugerð heilbrigðisráðherra felur í sér er í samræmi við ákvörðun ríkisstjórnarinnar um að lækka hlut sjúklinga í lyfjakostnaði um 5%. Ávinningur sjúklinga verður þó eitthvað meiri en þessu nemur vegna lækkunar virðisaukaskatts á lyf um áramót úr 25,5% í 24%.

Tekið af vef Velferðarráðuneytisins

Details

14. Jan 2015

AO auglýsir styrki.

Astma- og ofnæmisfélag Íslands auglýsir eftir umsóknum um styrki úr Styrktarsjóði félagsins sem veitt verður úr í samræmi við tilgang sjóðsins sem er að:

* stuðla að aukinni þekkingu á astma- og ofnæmissjúkdómum.

* styrkja lækna og aðra sem leita sér fagþekkingar á ofangreindum sjúkdómum og kunnáttu í meðferð þeirra.

Í umsókn þurfa að koma fram upplýsingar um umsækjandann, hvað felist í verkefninu og hvenær áætlað er að verkefninu ljúki. Einnig skal umsókn fylgja kostnaðaráætlun og stutt  greinargerð um gildi verkefnisins fyrir astma- og ofnæmissjúka á Íslandi.

Umsóknir skulu sendar á rafrænu formi fyrir miðnætti þann 6. apríl nk. á netfangið This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it. með fyrirsögninni „Styrkumsókn AO 2015“.

Styrkirnir verða afhenti á aðalfundi félagsins í apríl/maí.

Nánari upplýsingar veitir Fríða Rún Þórðardóttir, formaður Astma- og ofnæmisfélags Íslands í síma 898-8798 eða í gegnum netfangið This email address is being protected from spambots. You need JavaScript enabled to view it.

F.h. stjórnar styrktarsjóðs Astma- og ofnæmisfélags Íslands,

Fríða Rún Þórðardóttir, formaður

Details

15. Des 2014

Jólaball 14. des 2014

Fyrsta jólaball Astma- og ofnæmisfélags Íslands og Seliak og glútenóþolssamtaka Íslands var haldið 14. desember í SÍBS.

Stórsveit SÍBS, skipuð fimm hljóðfæraleikurum og þremur söngkonum hélt uppi frábæru jólaballi og boðið var upp á ofnæmislausar veitingar. Jólasveinninn kom í heimsókn og dansaði í kringum jólatréð, lét taka af sér myndir með börnunum og gaf þeim að lokum gjafir eins og sönnum jólasveini sæmir.

AO og Seliak og glútenóþolssamtökin þakka fyrir góða mætingu en yfir 20 börn mættu ásamt foreldrum eða öðrum forráðamönnum. Einnig fær SÍBS hljómsveitin miklar þakkir fyrir frábært jólaball og Bauhaus þökkum við fyrir fallegt og veglegt jólatré.