Tilkynningar
Ókeypis námskeið um framkomu, framsögn og fundarstjórnFélagsráð SÍBS auglýsa námskeið í SÍBS-húsinu Síðumúla 6 sem hófst á mánudaginn var og heldur áfram næstu tvo mánudaga. Námskeiðið er haldið af félögum úr POWERtalk á Íslandi og efnið er:
Staður:SÍBS-húsið, Síðumúla 6 2.h. (lyfta), 108 Reykjavík. Stund:mánudagarnir 8., 15. og 22. febrúar kl. 17:15.
Þátttaka er ókeypis og engin skráning nauðsynleg – bara mæta!
Þetta eru góð námskeið fyrir alla þá sem starfa í stjórnum, nefndum og ráðum. Vonandi sjáum við sem flesta nýta sér þetta. Félagsráð SÍBS.
Bæklingur um AstmiGefin hefur verið út bæklingur um astmi og er það samvinnuverkefni Astma og ofæmisfélags Íslands og Glaxo Smith Kline. Bæklingnum verður dreift á heilsugæslustöðvar og í læknastofur auk þess sem hægt verður að nálgast hann á skrifstofu Astma- og ofnæmisfélags Íslands í Síðumúla 6
Fræðsluerindi um exem, orsakir og meðferðSólrún Melkorka Maggadóttir, barnalæknir og sérfræðingur í ofnæmissjúkdómum og ónæmisgöllum, mun halda erindi um exem, orsakir og meðferð, þriðjudaginn 26. janúar kl. 17:30 – 18:45 Sólrún er menntaður barna- og ofnæmis- og ónæmislæknir frá Bandaríkjunum en hún fluttist til Íslands um mitt ár 2014 og starfar nú á ónæmisdeild Landspítalans auk þess að vera með stofu í Domus. Það eru Astma- og ofnæmisfélag Íslands og Spoex, samtök psoriasis- og exemsjúklinga sem standa í sameiningu fyrir þessari fræðslu. Staður: Húsnæði SÍBS, Síðumúli 6 Húsið opnar kl. 17:00 Kaffiveitingar
Jólaball 2015 Skyrgámur og Askasleikir kíktu í heimsóknJólaball Astma- og ofnæmisfélags Íslands var haldið í sal SÍBS 3. janúar síðastliðinn. Ballgestir gæddu sér á veitingum og sungu og dönsuðu í kringum jólatréð við undirleik hljómsveitar SÍBS. Þeir Skyrgámur og Askasleikir kíktu í heimsókn, dönsuðu með börnunum, brugðu á leik og gáfu gjafir. Viðstaddir skemmtu sér vel og má með sanni segja að þetta haf i verið góð byrjun á árinu.
Reykjavíkurmaraþón 2016
Astma- og ofnæmisfélag Íslands er eitt þeirra frjálsu félagasamtaka sem njóta góðs af verkefninu Hlaupastyrkur.is í tengslum við Reykjavíkurmaraþon Íslandsbanka. Nú er skráning í Reykjavíkurmaraþon Íslandsbanka hafin sjá hér og hvetur AO félagsmenn sína og hollvini til að hlaupa til styrktar félaginu með því að skrá sig hér en fjármagnið sem safnast hefur undanfarin ár hefur meðal annars verið notað til eflingar á fræðslu um astma og ofnæmi sem nýtist sífellt fleirum þar sem aukning er á tíðni astma og ofnæmis hér sem og annarstaðar.
Formaður Astma- og ofnæmisfélags Íslands
Auglýsing um styrki 2016Auglýsing um styrki Astma- og ofnæmisfélag Íslands auglýsir eftir umsóknum um styrki úr Styrktarsjóði félagsins sem veitt verður úr í samræmi við tilgang sjóðsins sem er að: * stuðla að aukinni þekkingu á astma- og ofnæmissjúkdómum. * styrkja lækna og aðra sem leita sér fagþekkingar á ofangreindum sjúkdómum og kunnáttu í meðferð þeirra. Í umsókn þarf að koma fram upplýsingar um umsækjandann, í hverju verkefnið felst, kostnaðaráætlun, dagsetningu loka verkefnisins og stutta greinargerð um gildi verkefnisins fyrir astma- og ofnæmissjúka á Íslandi. Umsóknir skulu berast á rafrænu formi fyrir miðnætti þann 6. mars nk. á netfangið This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it. með fyrirsögninni „Styrkumsókn AO 2016“ Styrkirnir verða afhenti á aðalfundi félagsins í apríl/maí. Nánari upplýsingar veitir Fríða Rún Þórðardóttir, formaður Astma- og ofnæmisfélags Íslands í síma 898-8798 eða This email address is being protected from spambots. You need JavaScript enabled to view it.
F.h. Astma- og ofnæmisfélags Íslands Fríða Rún Þórðardóttir, formaður Flokkar |
Póstlisti AO
Fáðu sendar tilkynningar og fréttir af starfi AO